Konor Makgregor UFC'ga qaytish uchun ruxsat oldi

Ikki vazn toifasida sobiq UFC chempioni, irlandiyalik Konor Makgregor rasmiy ravishda oktagonga qaytish uchun ruxsat oldi. Bu haqda The Sun xabar bermoqda.

 

Makgregorga 2025-yil oktyabrda Combat Sports Anti-Doping (CSAD) – UFCdagi dopin nazorati bilan shug‘ullanuvchi tashkilot tomonidan qo‘yilgan diskvalifikatsiya 18 oydan so‘ng, 20-mart kuni yakunlandi. 

 

Irlandiyalik jangchi 2024-yilda uch marta,  13-iyun, 19 va 20-sentyabrda, doping testini topshirmagani uchun jazolangan.

 

UFC sportchilari doimo o‘zlarining joylashuvi to‘g‘risida aniq ma’lumot berishga majbur. Chunki  ular oldindan ogohlantirilmasdan test topshirish uchun chaqirilishi mumkin.

 

The Sun manbasiga ko‘ra, jangchining vakillari o‘tgan hafta Las-Vegasda UFC rahbariyati bilan muzokaralar o‘tkazgan va manba bu muzokaralarni “ijobiy” deb baholagan.  11-iyul kuni UFC 330 turnirining asosiy jangida Makgregorning ishtirok etishi kutilmoqda.

 

Avvalroq, Makgregor 14-iyun kuni Oq uyda o‘tkazilishi rejalashtirilgan turnirda yoki 2026-yil yozidagi yaqin UFC shoulardan birida qaytishi mumkinligini bildirgan edi.

 

AQSh Prezidenti Donald Tramp mamlakatning 250-yilligi munosabati bilan 14-iyunda Oq uy hududida UFC turniri o‘tkazilishini ma’lum qilgan edi. Biroq 8-mart kuni e’lon qilingan to‘liq ishtirokchilar ro‘yxatida irlandiyalik jangchi yo‘q edi.

 

37 yoshli Makgregor 2021-yil iyulidan buyon oktagonga chiqmagan. O‘shanda UFC 264 turnirida amerikalik Jastin Pore oyoq jarohati sababli texnik nokaut bilan yutqazgan. Makgregorning MМА’dagi umumiy hisobida 22 g‘alaba va 6 mag‘lubiyat bor.