Turkiya 24 yil o‘tib JCHga qaytdi
To‘rt karra Jahon chempionlari bo‘lgan Italiya qatorasiga uchinchi bor mundialsiz qoladigan bo‘ldi.
Futbol bo‘yicha 2026 yilgi Jahon chempionati saralashining Yevropa mintaqasi pley-off цистерналарига finalida Turkiya Kosovo milliy terma jamoasi ustidan 1:0 hisobida g‘alaba qozonib, joriy yil iyun va iyul oylarida AQSH, Kanada va Meksikada o‘tadigan mundial ishtirokchisiga aylandi.
So‘ngi bor ular Yaponiya va Janubiy Koreya mezbonligida o‘tgan 2002 yilgi Jahon chempionatida ishtirok etgandi va ushbu turnirda sensatsiya qayd etib, yarimfinalga qadar yetib borgandi. Final yo‘llanmasi uchun kurashda o‘sha turnir g‘olibi Braziliyaga (0:1) imkoniyatni boy bergan turklar uchinchi o‘rin uchun bahsda mezbon Janubiy Koreyani (3:2) mag‘lub etib, sovrindorlar qatoridan joy olgan.
Turkiya ushbu turnirda D guruhida AQSH, Paragvay va Avstraliyaga qarshi bellashadi.
Jennaro Gattuzo boshchiligidagi Italiya terma jamoasi esa hal qiluvchi bahsda Bosniya va Gersogovina terma jamoasi bilan bellashdi va o‘yining asosiy vaqtida 1:1 hisobi qayd etildi, penaltilar seriyasida esa bolqonliklarning omadi kelib okean ortida o‘tadigan mundial yo‘llanmasini qo‘lga kiritdi. Shu tariqa Italiya terma jamoasi qatorisiga uchinchi bor Jahon chempionatisiz qoladigan bo‘ldi. So‘ngi bor italyanlar 2014-yilda Braziliyada o‘tgan dunyo birinchilida qatnashgan edi.
Shuningdek, Yevropadan Shvetsiya, va Chexiya hamda mintaqalararo pley-offda Yamaykani taslim qilgan Kongo terma jamoalari JCHga yo‘l oldi. Qayd etish joiz Kongo milliy terma jamoasi turnirda O‘zbekiston bilan bir guruhda joylashgan.
