Toshkentda Spark va BYD to‘qnashuvida haydovchi boshqaruvni yo‘qotib, piyodani urib yubordi
Jabrlanuvchiga voqea joyida tibbiy yordam ko‘rsatilgan.
Toshkent shahrining Sirg‘ali tumanida yo‘l-transport hodisasi sodir bo‘ldi. Bu haqda Toshkent shahar IIBB YHXB axborot xizmati ma’lum qildi.
Ma’lumotlarga ko‘ra, joriy yilning 10-aprel kuni soat 13:50 atrofida TXAY–Qumariq ko‘chalari kesishgan chorrahada 2001-yilda tug‘ilgan haydovchi boshqaruvidagi “Spark” rusumli avtomobil 1973-yilda tug‘ilgan haydovchi boshqaruvidagi “BYD” rusumli transport vositasi bilan to‘qnashgan.
To‘qnashuv oqibatida “BYD” haydovchisi rul boshqaruvini yo‘qotib, piyodalar o‘tish yo‘lagidan o‘tayotgan fuqaroni urib yuborgan.
Hodisa natijasida jabrlangan piyodaga voqea joyida tez tibbiy yordam ko‘rsatilgan.
Mazkur holat yuzasidan Toshkent shahar IIBB YHXB tomonidan tergovga qadar tekshiruv harakatlari olib borilmoqda.
