Saida Mirziyoyeva Sergey Kiriyenko bilan uchrashuv o‘tkazdi
Savdo, IT va energetika sohalarida qo‘shma loyihalar ko‘rib chiqildi.
Bugun Saida Mirziyoyeva va amaliy tashrif bilan O‘zbekistonda bo‘lib turgan Rossiya Federatsiyasi Prezidenti Administratsiyasi rahbarining birinchi o‘rinbosari Sergey Kiriyenko o'rtasida uchrashuv bo‘lib o‘tdi.
Uchrashuvda O‘zbekiston va Rossiya Prezidentlari o‘rtasida erishilgan kelishuvlarning amaliy ijrosi muhokama qilindi.
Savdo, iqtisodiyot, energetika va axborot texnologiyalari sohalaridagi qo‘shma loyihalar hamkorlikning asosiy yo‘nalishlari sifatida ko‘rib chiqildi.
Shuningdek, Prezidentlar Administratsiyalari o‘rtasida ta’lim, bandlik va yoshlar siyosati yo‘nalishlarida hamkorlikni rivojlantirish masalalariga alohida e’tibor qaratildi.
