Navoiyda 8 yoshli o‘quvchi ingliz tilidan B2 sertifikatini qo‘lga kiritdi
2-sinf o‘quvchisi qariyb uch yildan buyon ingliz tilini o‘rganib kelgan.
Navoiy shahrida 8 yoshli o‘quvchi Muhammadali Yusupov ingliz tilidan B2 darajadagi milliy sertifikatni qo‘lga kiritdi. Bu haqda Navoiy viloyati Maktabgacha va maktab ta’limi boshqarmasi ma’lum qildi.
Muhammadali Yusupov Navoiy shahridagi 4-son umumta’lim maktabining 2-sinf o‘quvchisi hisoblanadi. Uning ushbu natijasi yosh jihatdan milliy sertifikatni qo‘lga kiritgan eng yaxshi ko‘rsatkichlardan biri sifatida e’tirof etilmoqda.
Ma’lum qilinishicha, Muhammadali qariyb uch yildan buyon ingliz tilini qo‘shimcha mashg‘ulotlar orqali o‘rganib kelgan. So‘nggi olti oy davomida unga o‘quv markazi o‘qituvchisi Shahzod Bobonazarov saboq bergan.
Ustozining ta’kidlashicha, Muhammadali sertifikatni ilk urinishdayoq qo‘lga kiritgan.
