O'zbekiston

O‘zbekistonda chorvalarda oqsil kasalligi xavfi sabab sanitariya oyligi e’lon qilindi

48 ta davlatda oqsil kasalligining yangi tiplari qayd etilgani ma’lum qilindi.

O‘zbekistonda chorvalarda oqsil kasalligi xavfi sabab sanitariya oyligi e’lon qilindi

O‘zbekistonda chorva hayvonlari orasida yuqumli kasalliklar tarqalishining oldini olish maqsadida 18-apreldan 18-maygacha “Chorvachilikda sanitariya-epidemiya-gigiyena” oyligi e’lon qilindi.

 

Qishloq xo‘jaligi vazirligi hamda Fermerlar kengashi tomonidan fermerlar, dehqon xo‘jaliklari rahbarlari va chorvadorlarga yo‘llangan murojaatda qayd etilishicha, bugungi kunda global iqlim o‘zgarishi va ekologik muvozanatning buzilishi oqibatida dunyoning turli hududlarida chorva hayvonlari orasida yangi kasalliklar yuzaga kelmoqda.

 

Xususan, xorijiy mamlakatlarda chorva mollari o‘rtasida oqsil (yashur) kasalligi tarqalish xavfi kuchaygani bildirildi. Jahon hayvonlar sog‘ligi tashkiloti ma’lumotlariga ko‘ra, 2025–2026 yillarda 48 ta davlatda ushbu kasallikning yangi “SAT” tiplari aniqlangan bo‘lib, amalda qo‘llanilayotgan vaksinalar ularga qarshi to‘liq himoya bermasligi qayd etilgan.

 

Shu munosabat bilan xo‘jaliklarda veterinariya-sanitariya qoidalariga qat’iy rioya etish, kirish joylarida dezinfeksiya vositalarini o‘rnatish, begona shaxslar va transport vositalarining kirishini cheklash, hayvonlarni sifatli ozuqa hamda toza suv bilan ta’minlash, hududlarni muntazam tozalash va zararli jonivorlarga qarshi kurashish zarurligi ta’kidlandi.

 

Mutasaddilar hayvonlarda yuqori harorat, og‘iz bo‘shlig‘i va tuyoqlarda yara, elin qismida shikastlanish kabi alomatlar kuzatilsa, darhol veterinariya mutaxassislariga murojaat qilish lozimligini eslatdi. Bunday holatlarda hayvonlarni boshqalardan ajratish, mustaqil ravishda dori vositalarini qo‘llamaslik hamda mahsulotlarni hududdan tashqariga chiqarmaslik tavsiya etildi.

 

Shuningdek, chorva hayvonlarini o‘z vaqtida emlash kasalliklarning oldini olishdagi eng samarali chora ekani qayd etildi. Qoramollar yiliga ikki marta, qo‘ylar esa yiliga bir marta emlanishi lozim.

 

Qishloq xo‘jaligi vazirligi hamda Fermerlar kengashi barcha fermer va chorvadorlarni mazkur oylik doirasida profilaktik tadbirlarni uyushqoqlik bilan amalga oshirishga chaqirdi.

 

Kasallik alomatlari aniqlanganda mutaxassislarga 71-202-12-00 (ichki: 210, 218, 323) raqamlari orqali murojaat qilish mumkin.

Maktablarda sport rivojlantiriladi: olimpiya sport turlari bo‘yicha to‘garaklar ochiladi

Maktablarda sport rivojlantiriladi: olimpiya sport turlari bo‘yicha to‘garaklar ochiladi

2027-yildan sport musobaqalari g‘oliblariga diplom va sertifikatlar elektron shaklda beriladi.

O‘zbekiston va O‘mon yetakchilari oliy davlat mukofotlari bilan taqdirlandi

O‘zbekiston va O‘mon yetakchilari oliy davlat mukofotlari bilan taqdirlandi

Shavkat Mirziyoyev Sultonlikning oliy davlat mukofoti – “Ol Said” ordeni bilan taqdirlandi.

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

O‘zbekiston va O‘mon o‘rtasidagi munosabatlar keyingi yillarda faol rivojlanayotgani qayd etildi.

Chilonzorda Nexia-3 daraxtga urildi: uch kishi halok bo‘ldi

Chilonzorda Nexia-3 daraxtga urildi: uch kishi halok bo‘ldi

YTHga avtomobil rul boshqaruvida yuzaga kelgan texnik nosozlik sabab bo‘lgan.

Prezident Shavkat Mirziyoyev davlat tashrifi bilan O‘monga bordi

Prezident Shavkat Mirziyoyev davlat tashrifi bilan O‘monga bordi

Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Renovatsiya evaziga 1 ta uy o‘rniga 2 ta xonadon: Toshkentda yangi imkoniyat

Uy-joy masalasini hal etishning yana bir varianti sifatida mulkdorlarga Yangi Toshkent hududidan xonadon ajratish taklif etilishi mumkin.

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Buxoroda o‘quvchilar majburiy mehnatga jalb qilindimi? Maktab boshqarmasi izoh berdi

Maktabning tom qismi qulab tushgan, boshqa xonalarida ham konstruktiv nuqsonlar aniqlan bo'lib, bino foydalanishga yaroqsiz deb topilgan.

22 daraja iliq bo‘ladi: hafta davomida ob-havo qanday o‘zgaradi?

22 daraja iliq bo‘ladi: hafta davomida ob-havo qanday o‘zgaradi?

Toshkent shahrida hafta davomida yog‘ingarchilik kutilmaydi.