Navoiyda media haftalik: kontent emas, ta’sir yaratilmoqda
Ishtirokchilar axborotni qanday ko‘rish, uni qanday saralash va uni auditoriyaga qanday yetkazishni o‘rganmoqda.
Navoiy viloyatida o‘tkazilayotgan media haftalik doirasida tadbirning ikkinchi kuni ishtirokchilar uchun amaliy va nazariy jihatdan muhim bosqich sifatida o‘tmoqda.
Ma’lum qilinishicha, mashg‘ulotlar jarayonida ishtirokchilar axborotni qabul qilish, tahlil qilish va saralash ko‘nikmalarini shakllantirmoqda. Shuningdek, ular kontentni auditoriyaga samarali yetkazish usullarini sinab ko‘rmoqda.
Qayd etilishicha, media haftalik doirasida ishtirokchilar orasida yangi g‘oyalar, zamonaviy formatlar va innovatsion yondashuvlar shakllanmoqda. Bu esa ularning kontent yaratishga bo‘lgan qarashini o‘zgartirib, axborot yetkazishdan ko‘ra auditoriyaga ta’sir o‘tkazishga yo‘naltirilgan faoliyatni rivojlantirishga xizmat qilmoqda.
Mutaxassislar fikricha, bunday tadbirlar media sohasida faoliyat yuritayotgan yoshlar uchun amaliy tajriba va zamonaviy ko‘nikmalarni shakllantirishda muhim ahamiyat kasb etadi.
