O‘zbekiston milliy jamoasining JCh–2026 oldidan tayyorgarlik rejasi ma’lum qilindi
Terma jamoa JCh–2026 oldidan Kanada va Niderlandiyaga qarshi o‘rtoqlik uchrashuvlarida maydonga tushadi.
O‘zbekiston milliy jamoasining 2026-yilgi jahon chempionati oldidan tayyorgarlik rejasi maʼlum qilindi.
Unga ko‘ra, terma jamoa 5–25-may kunlari Toshkent shahrida o‘quv-mashg‘ulot yig‘ini o‘tkazadi. Yig‘in doirasida mahalliy klublarga qarshi bir qator o‘rtoqlik uchrashuvlari tashkil etiladi. 10-may kuni o‘tkazilgan nazorat bahsida O‘zbekiston milliy jamoasi raqibini 4:0 hisobida mag‘lub etgan. Shuningdek, 16 va 22-may kunlari yana ikki o‘yin rejalashtirilgan.
26-may kuni terma jamoa Toshkentdan Nyu-York shahriga jo‘nab ketadi. 27–29-may kunlari AQSHda yakuniy tayyorgarlik mashg‘ulotlari o‘tkaziladi.
Jahon chempionati oldidan O‘zbekiston milliy jamoasi ikki xalqaro o‘rtoqlik uchrashuvida ishtirok etadi. Jumladan, 1-iyun kuni Kanadaga qarshi Edmonton shahridagi “Commonwealth” stadionida maydonga tushiladi. 8-iyun kuni esa Nyu-York shahridagi “Icahn Stadium” arenasida Niderlandiya terma jamoasiga qarshi bahs bo‘lib o‘tadi.
JCH–2026 guruh bosqichida O‘zbekiston milliy jamoasi 17-iyun kuni Meksika, 23 va 27-iyun kunlari esa AQSHga qarshi uchrashuv o‘tkazadi.
Maʼlum qilinishicha, jahon chempionati davomida O‘zbekiston milliy jamoasining bazaviy shahri Nyu-York bo‘ladi.
