Bugun O‘zbekistonning ayrim joylarida chang-to‘zon va yomg‘ir kuzatiladi
Ayrim hududlarda shamol tezligi soniyasiga 22 metrgacha yetishi mumkin.
O‘zgidromet ma'lumotiga ko‘ra, bugun kunduz kuni respublikaning ayrim hududlarida shamol tezligi 13–18 m/s gacha kuchayishi kutilmoqda.
Xususan, Toshkent shahri, shuningdek Buxoro, Navoiy, Samarqand, Jizzax, Sirdaryo, Qashqadaryo hamda Surxondaryo viloyati hududlarida qisqa muddatli yomg‘ir yog‘ishi mumkin.
Shuningdek, Qoraqalpog‘iston Respublikasi, Buxoro, Navoiy va Surxondaryo vil;ouyatlarining ayrim hududlarida shamol tezligi ba'zan 20–22 m/s gacha kuchayishi, chang-to‘zon hodisalari bilan kuzatilishi ehtimoli mavjud.
Poytaxtda esa shamol tezligi 10–12 m/s gacha kuchayishi, ayrim joylarda chang-to‘zon kuzatilishi prognoz qilinmoqda.
