9–12-iyun kunlari O‘zbekistonda sel xavfi e’lon qilindi

 

“O‘zgidromet” ma’lumotiga ko‘ra, 9–12-iyun kunlari respublika bo‘yicha kutilayotgan yog‘ingarchiliklar sababli tog‘oldi va tog‘li hududlarda sel-suv toshqini xavfi yuzaga kelishi mumkin.

 

Qayd etilishicha, yomg‘irlar natijasida ayrim hududlarda sel kelishi va suv toshqinlari kuzatilishi ehtimoli bor.

 

Sel xavfi qayd etilishi mumkin bo‘lgan hududlar:

• Qashqadaryo viloyati — Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlari;
• Surxondaryo viloyati — Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrabot tumanlari;
• Samarqand viloyati — Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlari;
• Navoiy viloyati — Xatirchi, Navbahor, Nurota, Konimex, Karmana tumanlari;
• Jizzax viloyati — Zomin, Baxmal, G‘allaorol, Sharof Rashidov, Forish, Yangiobod tumanlari;
• Toshkent viloyati — Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq tumanlari hamda Angren va Olmaliq shaharlari;
• Namangan viloyati — Pop, Kosonsoy, Chortoq, Chust, Namangan, Yangiqo‘rg‘on tumanlari;
• Farg‘ona viloyati — So‘x, Shohimardon, Farg‘ona, Beshariq tumanlari;
• Andijon viloyati — Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda Xonabod shahri.

 

Mutaxassislar tog‘li hududlarda yashovchi aholi, dam oluvchilar hamda haydovchilardan ehtiyotkorlik choralarini ko‘rishni so‘ramoqda.

 

Shuningdek, yog‘ingarchilik oqibatida ayrim hududlarda suv to‘planishi va mahalliy suv toshqinlari yuzaga kelishi mumkinligi qayd etilgan.

Avvalroq, 6-8-iyun kunlari kuchli yomg‘ir yog‘ishi kutilayotgani sababli tog‘oldi va tog‘li hududlarda sel-suv toshqini xavfi e’lon qilingani xabar qilingan edi.