JCh-2026 start oldi: Meksika Janubiy Afrikani 2:0 hisobida mag‘lub etdi
Mazkur g‘alaba Meksika terma jamoasi uchun Jahon chempionatining ochilish o‘yinidagi ilk g‘alabasi bo‘ldi.
2026-yilgi futbol bo‘yicha Jahon chempionati rasman start oldi. Turnirning ochilish uchrashuvida mezbonlardan biri bo‘lgan Meksika terma jamoasi Janubiy Afrika jamoasi ustidan 2:0 hisobida g‘alaba qozondi.
Mexiko shahridagi Estadio Azteca stadionida bo‘lib o‘tgan bahsda meksikaliklar o‘yin boshidanoq tashabbusni o‘z qo‘liga olgan. Uchrashuvning 9-daqiqasida Xulian Kinyones raqib himoyasidagi xatodan unumli foydalanib, hisobni ochgan.
Ikkinchi bo‘lim boshida Janubiy Afrika bir futbolchisidan ayrilgan. 67-daqiqada esa Raul Ximenes boshi bilan kiritgan gol orqali mezbonlarning ustunligini mustahkamlagan.
Uchrashuv davomida hakam uch nafar futbolchiga qizil kartochka ko‘rsatgan. Janubiy Afrika ikki futbolchisini maydondan chetlatilgan holda yakunlagan bo‘lsa, Meksika safida ham bir o‘yinchi qizil kartochka olgan.
Mazkur g‘alaba Meksika terma jamoasi uchun Jahon chempionatining ochilish o‘yinidagi ilk g‘alabasi bo‘ldi.
2026-yilgi FIFA Jahon chempionati 11-iyundan 19-iyulgacha AQSH, Kanada va Meksika mezbonligida o‘tkaziladi. Turnir tarixida ilk bor 48 ta milliy terma jamoa ishtirok etmoqda.
