O‘zbekiston va Germaniya yetakchilari Faxriy mehmonlar xiyobonida daraxt ekishdi
Ushbu marosim mamlakatlar do‘stligi va ishonch ramzi sifatida baholandi.
Oliy darajadagi O‘zbekiston – Germaniya muzokaralari yakunida Prezidentlar Shavkat Mirziyoyev va Frank-Valter Shtaynmayer Faxriy mehmonlar xiyobonida daraxt ekish marosimida ishtirok etdilar.
Ko‘ksaroy qarorgohida bo‘lib o‘tgan ushbu marosim doirasida ekilgan daraxt O‘zbekiston va Germaniya xalqlari o‘rtasidagi do‘stlik, ishonch va o‘zaro anglashuv munosabatlari tobora mustahkamlanib borayotganining ramzi sifatida e’tirof etildi.
Mazkur tashabbus ikki tomonlama hamkorlik tarixida yangi bosqich boshlanganini ifoda etuvchi muhim timsol sifatida qayd etildi.
