Saida Mirziyoyeva Xorijiy investorlar kengashi yig‘ilishida ishtirok etdi
Saida Mirziyoyeva iqtisodiyot, infratuzilma, innovatsiyalar, ta’lim va biznes sohalariga yo‘naltirilayotgan investitsiyalar O‘zbekistonning barqaror rivojlanishi uchun muhim omil ekanini ta’kidladi.
Saida Mirziyoyeva Prezident Shavkat Mirziyoyev raisligida o‘tgan Xorijiy investorlar kengashi yig‘ilishida ishtirok etganini ma’lum qildi.
Prezident administratsiyasi rahbarining ta’kidlashicha, yig‘ilishda iqtisodiyot, infratuzilma, innovatsiyalar, ta’lim hamda biznes uchun qulay muhit yaratish kabi mamlakat taraqqiyoti uchun muhim yo‘nalishlar muhokama qilingan.
Saida Mirziyoyevaga ko‘ra, aynan ushbu sohalarga yo‘naltirilayotgan investitsiyalar, malakali kadrlar va shaffof qoidalar O‘zbekistonning barqaror rivojlanishi, iqtisodiy o‘sishi hamda aholi farovonligini ta’minlashda muhim omil hisoblanadi.
Shuningdek, u hamkorlarga samarali faoliyati va aniq amaliy natijalarga erishishga qaratilgan sa’y-harakatlari uchun minnatdorlik bildirdi.
