O‘zbekiston–Kongo DR uchrashuvini germaniyalik hakamlar brigadasi boshqaradi
Uchrashuvning to‘rtinchi va beshinchi rasmiy hakamlari sifatida ispaniyalik Alexandro Ernandez hamda Diego Sanchez Rojo faoliyat yuritadi.
AQSH, Kanada va Meksikada davom etayotgan Jahon chempionatining guruh bosqichi 3-turidan o‘rin olgan Kongo DR va O‘zbekiston milliy terma jamoalari o‘rtasidagi uchrashuv rasmiylari ma’lum qilindi.
Mazkur bahsni germaniyalik FIFA hakami Felix Zvayer boshqaradi. Unga qanotlarda hamyurtlari Robert Kempter va Kristian Dik yordam beradi.
Uchrashuvning to‘rtinchi va beshinchi rasmiy hakamlari sifatida ispaniyalik Alexandro Ernandez hamda Diego Sanchez Rojo faoliyat yuritadi.
Eslatib o‘tamiz, O‘zbekiston milliy terma jamoasining Kongo DRga qarshi uchrashuvi 28-iyun kuni Atlanta shahridagi "Atlanta" stadionida bo‘lib o‘tadi.
