O‘zbekistonda 4–6-iyul kunlari sel va suv toshqini xavfi e’lon qilindi

 

O'zgidromet prognoziga ko‘ra, 4–6-iyul kunlari kutilayotgan yomg‘irlar sabab respublikaning tog‘ oldi va tog‘li hududlarida sel-suv toshqin hodisalari yuzaga kelishi mumkin.

 

Xususan, Qashqadaryo viloyatining Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor, Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on hamda Muzrobot, Samarqand viloyatining Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlarida sel xavfi kuzatilishi mumkin.

 

Shuningdek, Navoiy viloyatining Xatirchi, Navbahor, Nurota, Konimex va Karmana, Jizzax viloyatining Zomin, Baxmal, G‘allaorol, Sharof Rashidov, Forish va Yangiobod, Toshkent viloyatining Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari hamda Angren va Olmaliq shaharlarida ham xavf saqlanib qolmoqda.

 

Bundan tashqari, Namangan viloyatining Pop, Kosonsoy, Chortoq, Chust, Namangan va Yangiqo‘rg‘on, Farg‘ona viloyatining So‘x, Shohimardon, Farg‘ona va Beshariq, Andijon viloyatining Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari hamda Xonabod shahrida ham sel-suv toshqinlari yuzaga kelishi ehtimoli mavjud.

 

Mutaxassislar tog‘ oldi va tog‘li hududlarda yashovchi fuqarolar, dam oluvchilar hamda ushbu yo‘nalishlarda harakatlanayotgan haydovchilarni ehtiyotkorlik choralariga qat’iy amal qilishga chaqirdi.

 

Shuningdek, kuchli yog‘ingarchilik sabab respublikaning ayrim hududlarida yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkin.