Shavkat Mirziyoyev Gruziya qahramonlarini xotirladi
Oʻzbekiston Prezidenti Qahramonlar maydoniga tashrif buyurib, yodgorlik poyiga gulchambar qoʻydi.
Oʻzbekiston Prezidenti Shavkat Mirziyoyev Gruziyaga amalga oshirayotgan davlat tashrifi doirasida 3-iyul kuni Tbilisi shahridagi Qahramonlar maydoniga tashrif buyurdi.
Davlat rahbati sharafiga faxriy qorovul saf tortdi. Tashrif davomida Prezident Shavkat Mirziyoyev Gruziya birligi va hududiy yaxlitligi yoʻlida halok boʻlgan qahramonlar xotirasiga bagʻishlangan yodgorlik poyiga gulchambar qoʻydi.
Marosim chogʻida harbiy orkestr ijrosida Oʻzbekiston va Gruziya davlat madhiyalari yangradi.
Mazkur ehtirom marosimi ikki davlat oʻrtasidagi doʻstlik, oʻzaro hurmat va strategik sheriklik munosabatlarining yana bir yorqin ifodasi boʻldi.
