Shavkat Mirziyoyevning Gruziyaga davlat tashrifi yakunlandi
Oliy martabali mehmonni Gruziya Bosh vaziri Irakliy Kobaxidze kuzatib qoʻydi.
Prezident Shavkat Mirziyoyevning Gruziyaga amalga oshirgan davlat tashrifi yakunlandi.
Tashrif davomida davlat rahbari Gruziya Prezidenti Mixail Kavelashvili hamda Bosh vaziri Irakliy Kobaxidze bilan muzokaralar oʻtkazdi. Unda ikki mamlakat oʻrtasidagi siyosiy muloqotni mustahkamlash, savdo-iqtisodiy, investitsiyaviy, transport-tranzit, turizm, madaniy-gumanitar va boshqa ustuvor yoʻnalishlardagi hamkorlikni kengaytirish masalalari muhokama qilindi.
Muzokaralar yakunida Strategik sheriklik munosabatlarini oʻrnatish toʻgʻrisidagi deklaratsiya imzolandi. Bundan tashqari, ustuvor yoʻnalishlardagi hamkorlikni yanada rivojlantirishga qaratilgan ikki tomonlama hujjatlarning salmoqli toʻplami almashildi.
Davlat tashrifi doirasida Prezident Shavkat Mirziyoyevga Gruziyaning oliy davlat mukofoti — "Oltin moʻyna" ordeni tantanali ravishda topshirildi.
Shuningdek, davlat rahbari Tbilisi shahrida oʻzbek xalqining buyuk mutafakkiri Alisher Navoiy haykalining ochilish marosimida ishtirok etdi.
Davlat tashrifi yakunlangach, Oʻzbekiston Prezidenti Toshkent shahriga joʻnab ketdi.
