Shavkat Mirziyoyev Nursulton Nazarboyevni tavallud kuni bilan tabrikladi
Davlat rahbari Nursulton Nazarboyevning zamonaviy Qozog‘istonni barpo etish va O‘zbekiston–Qozog‘iston munosabatlarini mustahkamlashdagi xizmatlarini alohida e’tirof etdi.
Shavkat Mirziyoyev 6-iyul kuni telefon orqali muloqotda Nursulton Nazarboyevni tavallud kuni bilan samimiy tabriklab, unga mustahkam sog‘liq, baxt-saodat va uzoq umr tiladi.
Davlat rahbari Nursulton Nazarboyevning zamonaviy Qozog‘istonni barpo etish, Markaziy Osiyoda mintaqaviy hamkorlikni rivojlantirish hamda O‘zbekiston va Qozog‘iston o‘rtasidagi strategik sheriklik va ittifoqchilik munosabatlarini mustahkamlashdagi ulkan xizmatlarini alohida e’tirof etdi.
Telefon muloqoti davomida O‘zbekiston va Qozogʻiston o‘rtasidagi do‘stlik, yaxshi qo‘shnichilik va o‘zaro ishonchga asoslangan ko‘p qirrali hamkorlik bugungi kunda izchil rivojlanib borayotgani mamnuniyat bilan qayd etildi.
