Abduqodir Husanov “Manchester Siti” bilan shartnomasini 2031-yilgacha uzaytiradi
Husanov o‘tgan mavsum klub safida 37 ta uchrashuv o‘tkazib, jamoaning asosiy himoyachilaridan biriga aylandi.
O‘zbekistonlik himoyachi Abduqodir Xusanov va belgiyalik yarim himoyachi Jeremi Doku "Manchester Siti" bilan 2031-yilgacha mo‘ljallangan yangi shartnomalar imzolash arafasida.
Bu haqda The Athletic nashri jurnalisti Sem Li ma’lum qildi.
Manbaga ko‘ra, har ikki futbolchi bilan amaldagi kelishuvlar uzaytiriladi. Xusanovning amaldagi shartnomasi 2029-yilgacha, Dokuniki esa 2028-yil iyunigacha amal qiladi.
22 yoshli Abduqodir Xusanov 2025-yil yanvar oyida Fransiyaning "Lans" klubidan "Manchester Siti" safiga qo‘shilgan. U o‘tgan mavsumda barcha musobaqalarda 37 ta uchrashuv o‘tkazib, jamoaning asosiy himoyachilaridan biriga aylangan hamda klub bilan Angliya Kubogi va Liga kubogida g‘olib chiqdi.
Jeremi Doku esa 2025/26-yilgi mavsumda 47 ta o‘yinda maydonga tushib, 8 ta gol va 14 ta golli uzatma muallifi bo‘ldi.
Avvalroq "Manchester Siti" yarim himoyachi Fil Foden bilan ham yangi shartnoma imzolagani ma’lum qilingan edi. Klub yaqin kunlarda himoyachi Yoshko Gvardiol bilan ham yangi kelishuvni rasmiylashtirishi kutilmoqda.
