O‘zbekiston terma jamoasi FIFA kunlarida Janubiy Koreyaga qarshi maydonga tushadi
Uchrashuv Janubiy Koreyada bo‘lib o‘tadi.
O‘zbekiston futbol assotsiatsiyasi ma’lum qilishicha, Fabio Kannavaro boshchiligidagi milliy terma jamoa 6-oktabr kuni Janubiy Koreya terma jamoasiga qarshi maydonga tushadi.
Uchrashuv Janubiy Koreyada bo‘lib o‘tadi. Bahsning aniq boshlanish vaqti hamda o‘tkaziladigan stadion keyinroq e’lon qilinadi.
Mazkur uchrashuv O‘zbekiston milliy terma jamoasining jahon chempionatidagi ishtirokidan so‘ng 2027-yilgi Osiyo kubogi musobaqasiga tayyorgarlik bosqichini boshlab beradi.
Eslatib o‘tamiz, 2027-yilgi Osiyo kubogi 7-yanvardan 5-fevralga qadar Saudiya Arabistonida bo‘lib o‘tadi. O‘zbekiston terma jamoasi B guruhidan joy olgan bo‘lib, guruh bosqichida Bahrayn, Shimoliy Koreya va Iordaniya terma jamoalariga qarshi bahs olib boradi.
