Oʻzbekiston Prezidentini rasmiy kutib olish marosimi boʻlib oʻtdi
Cho‘lponotada o‘tgan rasmiy marosimdan so‘ng oliy darajadagi muzokaralar boshlandi.
Qirg‘iz Respublikasiga davlat tashrifi bilan borgan Prezident Shavkat Mirziyoyevni Cho‘lponota shahridagi Chingiz Aytmatov nomidagi “Ruh Ordo” madaniyat markazida rasmiy kutib olish marosimi bo‘lib o‘tdi.
Marosimda oliy martabali mehmon sharafiga faxriy qorovul saf tortdi, O‘zbekiston va Qirg‘iziston davlat madhiyalari yangradi.
Prezidentlar Shavkat Mirziyoyev va Sadir Japarov faxriy qorovul safi oldidan o‘tib, ikki mamlakat rasmiy delegatsiyalari a’zolarini bir-biriga tanishtirdi.
Rasmiy kutib olish marosimidan so‘ng davlat rahbarlari birgalikda suratga tushdi va oliy darajadagi ikki tomonlama muzokaralarni boshladi.
