Oʻzbekiston va Qirgʻiziston o‘rtasida Ittifoqchilik toʻgʻrisidagi shartnoma imzolandi
Imzolash marosimidan soʻng davlat rahbarlari huzurida ikki tomonlama hujjatlarni almashish marosimi boʻlib o'tdi.
Choʻlponota shahrida boʻlib oʻtgan oliy darajadagi muzokaralar yakunida Shavkat Mirziyoyev va Sadir Japarov ikki mamlakat oʻrtasidagi Ittifoqchilik munosabatlari toʻgʻrisidagi shartnomani imzoladilar.
Imzolash marosimidan soʻng davlat rahbarlari huzurida ikki tomonlama hamkorlikni rivojlantirishga qaratilgan qator muhim hujjatlar almashildi.
Jumladan:
-
Oʻzbekiston–Qirgʻiziston davlat chegarasining ayrim uchastkalari toʻgʻrisidagi shartnoma;
-
“Chashma” bulogʻidan birgalikda foydalanish toʻgʻrisidagi bitim;
-
davlat ijtimoiy sugʻurtasi va pensiya taʼminoti boʻyicha bitim;
-
oliy taʼlim sohasidagi kreditlarni oʻzaro tan olish toʻgʻrisidagi bitim;
-
davlat chegarasidagi oʻtkazish punktlari hamda fuqarolarning oʻzaro kelib-ketishiga oid hukumatlararo bitimlarga oʻzgartirish va qoʻshimchalar;
-
Issiqkoʻl viloyatidagi kurort-rekreatsiya obyektlari hamda “Boʻston” pansionatiga oid hujjatlar;
-
2026–2027-yillarga moʻljallangan madaniyat, turizm va agrosanoat majmuasi sohalaridagi qoʻshma hamkorlik rejalari.
