Saida Mirziyoyeva Qatar Amiri bilan uchrashdi
Uchrashuvda O‘zbekiston va Qatar o‘rtasidagi hamkorlikni yanada kengaytirish masalalari muhokama qilindi.
Prezident Administratsiyasi rahbari Saida Mirziyoyeva Qatar Davlati Amiri Shayx Tamim bin Hamad Ol Soniy bilan uchrashdi.
Uchrashuvda Saida Mirziyoyeva O‘zbekiston Prezidenti Shavkat Mirziyoyevning Qatar Amiriga samimiy salomi va eng ezgu tilaklarini yetkazdi.
Muloqot chog‘ida O‘zbekiston va Qatar o‘rtasidagi do‘stona va yuksak ishonchga asoslangan munosabatlar izchil rivojlanib borayotgani ta’kidlandi.
Tomonlar o‘zaro aloqalarni yanada kengaytirish, yangi qo‘shma tashabbuslarni ilgari surish hamda istiqbolli loyihalarni amalga oshirish masalalarini muhokama qildilar.
Suhbat davomida mamlakatlar o‘rtasida mushtarak manfaatlarga asoslangan hamkorlikni rivojlantirish uchun katta imkoniyatlar mavjudligi qayd etildi.
