Dunyo pasportlari reytingi yangilandi: O‘zbekiston nechanchi o‘rinda?
O‘zbekiston pasporti xalqaro reytingda 9 pog‘onaga pasaydi.
O‘zbekiston Henley & Partners xalqaro konsalting kompaniyasi tuzadigan dunyo pasportlari reytingida 106 ta davlat orasida 82-o‘rinni egalladi.
Joriy yilning aprel oyida O‘zbekiston ushbu reytingda 73-o‘rinda qayd etilgan edi. Shunday qilib, mamlakatning reytingdagi o‘rni to‘qqiz pog‘onaga pasaygan. 2025-yil yakunlariga ko‘ra esa O‘zbekiston 79-o‘rinda bo‘lgan.
Reytingning joriy natijalariga ko‘ra, O‘zbekiston Burkina-Faso va Togo bilan bir xil — 82-o‘rinni egallagan. O‘zbekiston fuqarolari 57 ta davlatga vizasiz yoki borilgan mamlakatda viza rasmiylashtirish orqali kirishi mumkin.
Reytingda Singapur birinchi o‘rinni egallab turibdi. Uning fuqarolari 193 ta davlat va hududga vizasiz safar qilish imkoniyatiga ega. Afg‘oniston esa pasport egalari 22 ta davlatga vizasiz borishi mumkin bo‘lgan holda reytingning oxirgi pog‘onasida qayd etilgan.
Henley Passport Index mamlakatlar pasportlarining xalqaro safarlar uchun beradigan imkoniyatlarini, jumladan, vizasiz kirish mumkin bo‘lgan yo‘nalishlar sonini hisobga olgan holda tuziladi.
