Polshaga ishga yuborish uchun 10,4 ming dollar: MCHJ rahbari ushlandi
U to‘rt nafar fuqaroni Polshaga mavsumiy ishga yuborish evaziga pul talab qilgan.
Davlat xavfsizlik xizmatining Namangan viloyati bo‘yicha boshqarmasi hamda Bosh prokuratura huzuridagi Departamentning hududiy boshqarmasi xodimlari hamkorligida o‘tkazilgan tezkor tadbirda noqonuniy holat fosh etildi.
Aniqlanishicha, Namangan shahrida faoliyat yurituvchi MCHJ rahbari To‘raqo‘rg‘on tumanida yashovchi fuqaroning ishonchiga kirib, uni va yana uch nafar tanishini Polshaga mavsumiy ishga yuborishni va’da qilgan. Buning evaziga u jami 10,4 ming AQSH dollari talab qilgan.
MCHJ rahbari oldindan 4,4 ming dollar olgan vaqtida ashyoviy dalillar bilan ushlangan.
Hozirda holat yuzasidan tergovga qadar tekshiruv harakatlari olib borilmoqda.
