Noyabr boshida kuchli yomg‘ir yog‘adimi? O‘zgidromet xabarlarga munosabat bildirdi
Ijtimoiy tarmoqlarda kuchli yomg‘ir yog‘ishini prognoz qilingani haqida xabarlar tarqaldi.
Ijtimoiy tarmoqlar va messenjerlarda O‘zgidromet noyabr oyining dastlabki o‘n kunligida kuchli yomg‘ir yog‘ishini prognoz qilgani haqida xabarlar tarqaldi. Sinoptiklar ushbu ma’lumotlar haqiqatga to‘g‘ri kelmasligini bildirdi.
O‘zgidromet ma’lumotiga ko‘ra, aksincha, yaqin kunlarda yog‘ingarchilik kuzatiladigan kunlar soni kam bo‘lishi kutilmoqda.
Shu munosabat bilan fuqarolardan ijtimoiy tarmoqlarda tarqalayotgan tasdiqlanmagan xabarlarga ishonmaslik va ob-havo prognozlarini rasmiy manbalardan kuzatib borish so‘raldi.
