Samarqandda Epica temir to‘siqqa urildi: haydovchi halok bo‘ldi
Haydovchi e’tiborsizligi oqibatida rul boshqaruvini yo‘qotib, YTHga uchragan.
Samarqand viloyatining Ishtixon tumanida Epica rusumli avtomobil ishtirokida yo‘l-transport hodisasi sodir bo‘ldi. Oqibatda haydovchi voqea joyida vafot etdi.
Viloyat Yo‘l harakati xavfsizligi boshqarmasi ma’lumotiga ko‘ra, hodisa 2026-yil 27-oktabr kuni soat 21:00 larda D-076 avtomobil yo‘lining 80-kilometrida, “Qo‘ng‘irot” mahallasi hududida yuz bergan.
Epica haydovchisi Ishtixon–Payshanba yo‘nalishida harakatlanayotib, e’tiborsizligi oqibatida rul boshqaruvini yo‘qotgan va yo‘lning o‘ng tomonidagi temir to‘siqqa urilgan.
Oqibatda haydovchi og‘ir tan jarohatlari olib, voqea joyida vafot etgan.
Holat yuzasidan Ishtixon tumani IIB Tergov bo‘limi tomonidan jinoyat ishi qo‘zg‘atilib, dastlabki tergov harakatlari olib borilmoqda.
Eslatib o'tamiz, avvalroq Qashqadaryo viloyatining Shahrisabz tumanida VAZ-2105 rusumli avtomobil daraxtga urilishi oqibatida 20 yoshli haydovchi vafot etgani xabar qilingan edi.
