Андижон шаҳрида яна ёнғин юз берди
Ёнғинни бартараф этиш учун 4 та ёнғин-қутқарув экипажи жалб қилинган.
Бугун, 7 декабрь куни соат 04:04 да Андижон шаҳар, «Саъдий» МФЙ, Эски Ўш кўчасидаги уйларнинг бирида ёнғин рўй берган тўғрисида шаҳар фавқулодда вазиятлар бўлимига хабар келиб тушган. Шунга кўра, 4 та ёнғин-қутқарув экипажи воқеа жойига етиб бориб, ёнғинни бартараф этган.
"Ёнғин оқибатида уйнинг 70 кв.м майдонда шифт, том қисми ва уй-рўзғор буюмлари ёниб зарарланган. Қутқарувчиларнинг тезкор ҳаракатлари натижасида уйнинг 180 кв.м майдони ёнғиндан сақлаб қолинган. Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда", — дейилади ФВВ маълумотида.
Эслатиб ўтамиз, ўтган ой ҳам Андижон шаҳрида йирик ёнғин юз берганди.
