АҚШ Президенти Япония Бош вазирига миннатдорлик билдирди
АҚШ Президенти Жо Байден Япония Бош вазири Ёсихиде Суга билан телефон орқали мулоқот қилиб, ”Токио-2020” Олимпиада ўйинлари муваффақиятли ўтгани учун унга миннатдорлик билдирди, деб хабар беради Оқ уй матбуот хизмати.
Қайд этилишича, АҚШ Президенти барча спортчилар ўйинларини юқори баҳолаган, айниқса, Япония ва Америка олимпиадачилари эришган муваффақиятларни алоҳида таъкидлаган.
Эслатиб ўтамиз, 2020 йилги Олимпиада ўйинларида АҚШ терма жамоаси 39 та олтин, 40 та кумуш ва 33 та бронза медали билан ғолибга айланди. Иккинчи ўринни Хитой (38-32-18), учинчи Япония (27-14-17), тўртинчи ўринни эса Буюк Британия (22-21-22) эгаллади.
Nasiba To'xtayeva
