Аргентина вице-президентига суиқасд уюштирилди
Ҳодиса жойида 35 ёшли бразилиялик эркак қўлга олинган.
Буэнос Айресда Аргентина вице-президенти Кристина Киршнерга суиқасд уюштирилди. Бу ҳақда «Korrespondent» нашри хабар берди.
Қайд этилишича, воқеа сиёсатчининг уйи ёнида, у ўз тарафдорлари билан саломлашаётган пайтда содир бўлган. Интернетда ҳужум акс этган видеоёзув ҳам тарқалди. Эркак вице-президентнинг юзига қурол ўқтаган, бироқ ўқ узмаган.
Маҳаллий матбуотнинг ёзишича, ҳужумчи нотўғри ўқ узган бўлиши мумкин.
