Арманистон бош вазири кортежи 28 ёшли ҳомиладор аёлни уриб кетди
Арманистон бош вазири Никол Пашинян кортежи Ереванда ҳомиладор аёл — Сона Мнатсаканянни уриб юборди.
Ҳодиса 26 апрель куни кечқурун Арманистон пойтахти марказидаги Паронян ва Лео кўчалари чорраҳасида Тоёта Прадо автомобили билан содир бўлган. Кортежда автомобиль ҳайдовчиси тўхтамай, воқеа жойини тарк этган. Бироқ у кейинроқ қайтиб келгани айтилмоқда.
Маълумотларга кўра, жабрланувчи шифохонада вафот этган, болани сақлаб қолишнинг имкони бўлмаган.
Тергов қўмитаси маълумотларига кўра, ҳайдовчи қўлга олинган. Арман матбуотининг ёзишича, автомобиль бошқарувида Йўл полицияси офицерлик взводи командири Арам Навасардян бўлган.
Марҳума аёл ахборот технологиялари соҳасида ишлаган ва “Қанотлар” номли ИТ-лойиҳасини бошқарган. Қиз бир йил олдин турмушга чиққан ва ёзда биринчи фарзандини дунёга келтириши керак эди.
