Археологлар Эронда ер остидан шаҳар топишди
У босқинлар пайти бошпана бўлиб хизмат қилган.
Эроннинг Язд провинциясидаги Абаркуҳ шаҳрида ер ости шаҳар топилди. Археологлар туннеллар, сув ўтказгичлар ва бошқа ер ости иншоотлари тармоғини ўрганишди. Улар босқинлар ва қуёшдан ҳимоя қилиш ва сув таъминоти мақсадида фойдаланилган.
Абаркуҳ Шираз, Язд ва Исфаҳон шаҳарларининг стратегик “олтин учбурчаги”да жойлашган шаҳар ҳисобланади. Ушбу минтақа маданий ва тарихий аҳамиятга эга. Шаҳар губернатори Хосейн Хатамининг сўзларига кўра, ер ости туннеллари уйларни сув каналлари билан боғлаб, ҳужумларда бошпана бўлиб хизмат қилган ва иссиқ даврларда биноларни совитган.
Айниқса тошдан ясалган сув ўтказгичи қизиқ. Унинг конструкцияси 18-аср охиридан 20-аср бошларигача ҳукмронлик қилган Қажарлар сулоласи давридаги иншоотларни эслатади. Ўша пайтда Абаркуҳ ҳозирги Озарбайжон ҳудудида яшаган Қажар туркман қабиласи учун муҳим нуқта эди.
“Ушбу тузилмалар ресурсларни бошқариш ва қаттиқ иқлим шароитида қулайлик яратиш учун оқилона ёндашув қанчалик муҳимлигини кўрсатади”, деб таъкидлади Хатами.
Хабарларга кўра, бу ҳудудда археологик ишлар давом этмоқда, олимлар бошқа ер ости тузилмалари мавжудлиги ҳақидаги фаразларини текшириб кўришмоқда.
Комила Одилова тайёрлади
