Buxoro shahrida 12-aprel kuni chiqindi tashish mashinasi bosib ketgan ona-bola voqea joyida halok bo‘ldi. Bu haqda viloyat Ichki ishlar boshqarmasi axborot xizmati maʼlum qildi.
Mazkur hodisa soat 11:05 atrofida shaharning Istiqlol mahallasida sodir bo‘lgan. Aniqlanishicha, Sh.N. ismli fuqaro “Shacman” chiqindi tashish mashinasida chiqindixonadan chiqib ketayotganida, Y.N. va uning bolalar aravachasida bo‘lgan 2 yoshli farzandi S.A.ni bosib ketgan. Oqibatda, ular og‘ir tan jarohati olib, voqea joyida halok bo‘lgan.
Holat yuzasidan Sh.N.ga nisbatanning Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilib, dastlabki tergov harakatlari davom ettirilmoqda.