Dohada O‘zbekiston elchixonasi ochildi, deya xabar berdi Tashqi ishlar vazirligi.
Dohada O‘zbekiston elchixonasining ochilish marosimi bo‘lib o‘tdi. Qayd etilishicha, mamlakatlar rahbarlari saʼy-harakatlari natijasida ikki tomonlama munosabatlar rivojlanmoqda.
Shu yil may oyida Toshkentda Qatar davlati diplomatik vakolatxonasi faoliyati yo‘lga qo‘yilgan edi.
“Shubhasiz, ushbu elchixonalar aloqalarimizni yana-da mustahkamlashga xizmat qiladi”, — deb yozadi tashqi ishlar vaziri.
Maʼlumot uchun, vazir Dohada bo‘lib o‘tayotgan “Umumiy kelajakni bunyod etish” mavzusida bo‘lib forumida ishtirok etdi.
Shuningdek, Qatar Davlati Qonun ustuvorligi va korrupsiyaga qarshi kurashish markazi Vasiylik kengashi rahbari Ali Bin Fetais Al-Marri bilan uchrashdi. Unda korrupsiyaga qarshi kurash bo‘yicha keng ko‘lamli masalalar, shuningdek, bo‘lajak tadbirlar muhokama qilindi.
Qolaversa, Qatar Islom banki ijrochi direktori janob Bassel Gamal bilan ham uchrashuv bo‘lib o‘tdi. Muzokaralar kun tartibidan investitsiya loyihalarini ilgari surish, bilim almashinuvini tashkil etish, zamonaviy bank va moliya xizmatlarini rivojlantirish, shuningdek, loyihalarni moliyalashtirish uchun qo‘shma vositalarni joriy etish masalalari muhokama qilindi.