Эри ортидан Исроилни тарк этган Алла Пугачёва ғойиб бўлди
Аввалроқ хонанданинг турмуш ўртоғи Максим Галкин Исроил — ҲАМАС тўқнашувлари сабаб мамлакатдан қочиб қолмасликка вада берганди. Аммо 19 октябрь куни концерт гастроли доирасида Исроилни тарк этиб, Кипрга келганини маълум қилди.
Aлла Пугачёва болалари билан Исроилдан кетганидан кейин ғойиб бўлди.
kp.ru нашрининг ёзишича, танишлар ва қариндошлари Алла Пугачёва билан боғлана олмаган, қўшиқчи қўнғироқлар ва хабарларга жавоб бермаяпти. Хонанданинг ўзи ҳам яқинлари билан алоқага чиқмаган. У юритаётган ижтимоий тармоқлардаги саҳифалари ҳам жим.
Қўшиқчи ҳақида хабар берилган манбада: «Aлбатта, Пугачёва ва болалар Исроилда эмас. Aммо улар Кипрда экани ҳақида ҳам маълумот йўқ», дея хавотир билдирилган.
Аввалроқ ОАВда Алла Пугачёва уруш бошлангани сабаб Исроилдан Кипрга чиқиб кетаётгани ҳақида хабарлар тарқалганди.
Пугачёва ва фарзандлари Исроилни тарк этишда Кипр паспортидан фойдаланган. Шунингдек, улар келгуси йилни ҳам Кипрда ўтказиши мумкин. Чунки хонанданинг ушбу мамлакатда ҳам уйи бор. У 2017 йилда икки миллион доллардан кўпроқ пул эвазига денгиз қирғоғидан вилла сотиб олган. Шундан сўнг, унга ва фарзандлари Лиза ва Гаррига автоматик равишда ушбу мамлакат фуқаролиги берилган.
Хонанданинг Исроилни тарк этишига унинг анча қариб қолгани ва соғлиғида муаммолар борлиги ҳам сабаб бўлиши мумкин.
Эслатиб ўтамиз, Алла Пугачёванинг турмуш ўртоғи Максим Галкин Исроил — ҲАМАС тўқнашувлари сабаб мамлакатдан қочиб қолмасликка вада берганди. Аммо 19 октябрь куни концерт гастроли доирасида Исроилни тарк этгани ва Кипрга келганини маълум қилди.
