Nepal hukumati kelayotgan mavsumda Everest cho‘qqisiga chiqishga urinadigan alpinistlar soni rekord darajada bo‘lishini ma'lum qildi.
"Men buni operatorlar, gidlar bilan muhokama qildim va ular kiruvchi arizalar va buyurtmalar soni o'tgan yilga nisbatan ko'proq ekanligini aytishdi", - dedi mamlakat turizm departamenti direktori Gurung.
Toqqa chiqish mavsumi turli ko'ngilsizliklarsiz o'tishini ta'minlash uchun rasmiylar qo'shimcha harakatlarni amalga oshirmoqda. Shunday qilib, 2024-yildan boshlab, alpinistlar uchun chiplar kiyish majburiy bo'ladi. Mutaxassislarning fikricha, bu mumkin bo‘lgan qidiruv-qutqaruv ishlarini osonlashtiradi.
Maʼlumotlarga koʻra, 2023-yilda Everestda 18 kishi halok boʻlgan. Bu o'tgan yillarga nisbatan rekord ko‘rsatkich hisoblanadi.