Germaniya Qurolli Kuchlari bosh qo‘mondoni Karsten Breyerning so‘zlariga ko‘ra, mamlakat armiyasi 2029-yilga borib to‘liq jangovar tayyorgarlikka ega bo‘lishi kerak.
Breyerning ta’kidlashicha, asosiy maqsad – faol xizmatdagi harbiylar sonini 200 ming nafarga yetkazishdir. Hozirda Germaniyada 60 ming kishilik doimiy zaxira mavjud bo‘lib, bu son ham oshirilishi kutilmoqda.
Uning fikricha, global xavfsizlik muhitining beqarorligi sharoitida Bundesver (Germaniya armiyasi) yevropalik hamkorlar bilan bir qatorda o‘zining harbiy salohiyatini oshirishi va NATO majburiyatlariga tayyor bo‘lishi muhimdir.