HAMAS Isroil bilan o‘t ochishni to‘xtatish bo‘yicha muzokaralarni to‘xtatishini eʼlon qildi.
Maʼlumotlarga ko‘ra, muzokaralar Isroil tomonidan davom ettirilayotgan halokatli hujumlar tufayli to‘xtagan.
Eslatib o‘tamiz, avvalroq Isroil harbiylari G‘azo sektoridagi Xon Yunis yaqinidagi gumanitar zonadagi obyektga zarba bergani xabar berilgan edi. G‘azo sektori sog‘liqni saqlash vazirligining maʼlum qilishicha, zarba oqibatida kamida 92 kishi halok bo‘lgan.
SAXALga ko‘ra, zarba nishonlari HAMASning G‘azo sektoridagi harbiy rahbari Muhammad Deyf va uning o‘rinbosari, brigada qo‘mondoni Rafaa Salameh bo‘lgan. Biroq Isroil bosh vaziri Binyamin Netanyahu ularning yo‘q qilinganiga dalillar mavjud emasligini bildirdi.
HAMASning yuqori martabali mulozimi Al Jazeera telekanaliga aytishicha, Muhammad Deyf hujumdan omon qolgan.
