Ҳиндистонда фожиа қурбонлари сони 270 кишидан ошди
Мамлакат соғлиқни сақлаш вазирининг маълум қилишича, 220 киши бедарак йўқолган.
Ваянад туманида 30 июль, сешанба куни кучли ёмғирдан кейин учта кўчки содир бўлди – баъзи ҳудудларда бир кун ичида 300 мм'дан ортиқ, ўртача кўрсаткичдан беш баравар кўпроқ кўчки тушди. Эруважанжи дарёси қирғоқларидан тошиб, ўз йўналишини ўзгартириб, қишлоқларни, чой ва бошқа плантацияларни сув босди.
Қутқарув операцияси уч кундан бери давом этмоқда. Аммо бу ноқулай об-ҳаво шароити ва тепаликлар сабаб қийинлашмоқда.
The Guardian нашрига кўра, Ҳиндистон армияси жабрланган ҳудуддан 5500 дан ортиқ одам, жумладан, юзлаб сайёҳни эвакуация қилди. Улар чодир лагерларига жойлаштирилди.
Олимларнинг қайд этишича, иқлим ўзгариши сабабли Ҳиндистонда муссон фасллари кучайиб бормоқда. Кучли ёғингарчилик кўчки хавфини оширади. Маҳаллий аҳоли тоғли ерларда кўпроқ уйлар қураётгани ва ўрмонларни плантациялар барпо этиш учун кесаётгани муаммони янада кучайтирмоқда.
