Жиззахда МИБ орқали икки фарзанд онаси бағрига қайтарилди
Мажбурий ижро ҳаракатлари Шароф Рашидов туманида амалга оширилган.
Она руҳан соғлом, қалбан пок ва маънавий мустаҳкам бўлса, ундан фарзандни ажратиш – унинг жонини иккига бўлиш билан баробар. Чунки она билан бола ўртасидаги ришта – қонун ёки ҳужжат билан эмас, балки илоҳий муҳр билан боғланган. Бу риштани зўрлик билан узиш – қалбга битмайдиган жароҳат қолдириш демакдир.
Шу маънода, суд қарорларини амалга ошириш доирасида Бюронинг Шароф Рашидов тумани давлат ижрочилари томонидан кўрилган аниқ ва қатъий чоралар натижасида икки нафар боланинг яна она бағрига қайтгани – нафақат ижро интизомининг, балки инсонликнинг ҳам ғалабасидир.
Она – жасоратнинг, матонатнинг ва беқиёс меҳрнинг тимсоли. У оиласи учун, фарзандининг бир қатра кўзи ёши учун ҳам дунё билан баҳсга киришади.
