Марокаш мисли кўрилмаган қурғоқчиликдан азият чекмоқда
Бу ҳақда Марокаш қишлоқ хўжалиги вазири маълум қилди.
Муҳаммад Содиқий маълум қилишича, Марокаш бу йил мисли кўрилмаган қурғоқчилик туфайли мамлакатдаги экин майдонларининг 20 фоизини йўқотиши мумкин.
“Қурғоқчилик туфайли 2,5 миллион гектар майдоннинг 20 фоизини йўқотамиз”, — дея огоҳлантирди вазирлик раҳбари.
Унинг сўзларига кўра, жорий йилда экин майдонлари 2023 йилга нисбатан 31 фоизга камайган.
Марокаш бешинчи йилдирки кучли қурғоқчиликдан азият чекмоқда. Бу мамлакат ялпи ички маҳсулотининг асосини ташкил этувчи қишлоқ хўжалиги тармоғи учун энг жиддий таҳдидлардан биридир.
