Молдова жамияти демократияни ҳимоя қила олди — Мая Санду
Кишинёвда иккинчи муддатга Молдова президенти этиб сайланган Мая Сандунинг инаугурация маросими бўлиб ўтди.
"Мен биринчи мандатим давомида фидойилик билан ишладим ва бундан ҳам катта ирода ва куч билан давом этаман", — деди Санду.
У ўз нутқида, шунингдек, Молдова жамияти сўнгги йиллардаги инқирозлар ва қўшни Украинадаги урушга қарамай, мамлакатда тинчликни сақлашга ва ўз демократиясини ҳимоя қилишга муваффақ бўлганини таъкидлади.
Молдовада бўлиб ўтган сайловларнинг иккинчи тури натижаларига кўра, Мая Санду россияпараст рақиби Александр Стояноглодан устун келди. Сайловчиларнинг 55,4 фоизи Сандуга овоз берди.
