Moskva birjasi 12 sentyabrdan so‘m savdolarini yo‘lga qo‘yadi. Bu haqda birja axborot xizmati xabar berdi.
Qayd etilishcha, ushbu amaliyotning joriy etilishi bozordagi professional ishtirokchilarning savdo imkoniyatlarini oshiradi.
“Shuningdek, bu ikki davlat iqtisodiy subyektlari o‘rtasida milliy valyutalarda hisob-kitoblarni amalga oshirishda qo‘shimcha turtki bo‘ladi”, – deyiladi xabarda.
Hozirda Moskva birjasida dollar, yevro, yuan, funt-sterling, Belarus rubli, turk lirasi, yapon iyenasi, Qozog‘iston tengesi va boshqa valyutalar savdosi yo‘lga qo‘yilgan.