Муҳаммад Алининг чемпионлик камари аукционга қўйилди
Уни миллиардер Жим Исрей 6,18 млн долларга сотиб олган.
24 июль куни афсонавий боксчи Муҳаммад Алининг шахсий буюмлари кимошди савдосига қўйилди. Унда спортчи 1974-йилда Жорж Форманни нокаутга учратиб, қўлга киритган чемпионлик камари 6,18 миллион доллар эвазига сотилди.
Кимошди савдосида Миллий футбол лигаси “Индианаполис” эгаси Жим Исрей ғолиб бўлган.
Шунингдек, боксчининг бошқа буюмлари, жумладан, у Жо Фрейзерга қарши “аср жанги”да кийган мантия ҳам сотилган.
Эслатиб ўтамиз, Муҳаммад Али 1974 йили Жорж Форманга қарши баҳсда уни саккизинчи раундда нокаутга учратиб, кубокни қўлга киритган эди.
