Viloyat IIB YHXB xabariga ko‘ra, voqea 19-mart kuni tungi soat 01.30 da Namangan shahrining Gʻirvonsoy ko‘chasida sodir bo‘lgan. Haydovchilik guvohnomasiga ega bo‘lmagan 23 yoshli yigit Neksiya–2 rusumli avtomashinani Davlatobod–Toshbuloq yo‘nalishida boshqarib borayotib, harakat xavfsizligini ta’minlay olmay qolgan va transport vositasi beton to‘siqqa borib urilgan.
Hodisa oqibatida avtomashina salonida bo‘lgan 27 yoshli fuqaro “o‘ng yuz yumshoq to‘qimasi lat yeyishi” tashxisi bilan shifoxonaga yuborilgan.
Hozirda mazkur holat yuzasidan tergovga qadar surishtiruv harakatlari olib borilmoqda.
Avvalroq Qashqadaryoda YHT sodir bo’lgani va unda 4 kishi vafot etgani haqida xabar berilgandi.