“Omicron” штамми туфайли эндиликда бир қатор давлат фуқаролари Қозоғистонга кира олмайди
Шунингдек, Миср билан авиақатновлар тўхтатилган.
“Omicron” штамми кенг тарқалаётгани туфайли бир қатор давлат фуқароларининг Қозоғистонга кириши чекланди. Бу ҳақда “Sputnik Казахстан” маълум қилди.
Унга кўра, 3 декабрдан бошлаб Танзания, Лесото, Ботсвана, Зимбабве, Мозамбик, Мадагаскар, Эсватини ва Гонконг фуқароларнинг Қозоғистонга киритилиши вақтинчалик чекланди.
Бундан ташқари, бир қатор Европа мамлакатлари, хусусан, Чехия, Нидерландия, Бельгия, Буюк Британия, Италия ва Германия, шунингдек, Канада, Австралия ва Исроил давлатларидан кириб келганда мажбурий ПЦР топшириш жорий этилди.
Аввалроқ Исроил янги штамм туфайли чегараларни вақтинчалик ёпгани ҳақида хабар қилинганди.
Жаҳонгир Қўзиев
