“Omicron” shtammi keng tarqalayotgani tufayli bir qator davlat fuqarolarining Qozog‘istonga kirishi cheklandi. Bu haqda “Sputnik Казахстан” maʼlum qildi.
Unga ko‘ra, 3 dekabrdan boshlab Tanzaniya, Lesoto, Botsvana, Zimbabve, Mozambik, Madagaskar, Esvatini va Gonkong fuqarolarning Qozog‘istonga kiritilishi vaqtinchalik cheklandi.
Bundan tashqari, bir qator Yevropa mamlakatlari, xususan, Chexiya, Niderlandiya, Belgiya, Buyuk Britaniya, Italiya va Germaniya, shuningdek, Kanada, Avstraliya va Isroil davlatlaridan kirib kelganda majburiy PSR topshirish joriy etildi.
Avvalroq Isroil yangi shtamm tufayli chegaralarni vaqtinchalik yopgani haqida xabar qilingandi.
Jahongir Qo'ziyev