Rossiyada 29 yoshli O‘zbekiston fuqarosi terrorchilik hujumi sodir etishda gumon qilinib, qo‘lga olindi. U 17 dekabr kuni Rossiya Federatsiyasi qurolli kuchlari radiatsiya, kimyoviy va biologik mudofaa qo‘shinlari boshlig‘i Igor Kirillov va uning yordamchisi Ilya Polikarpovning o‘ldirilishida gumonlanmoqda.
U so‘roq paytida Ukraina maxsus xizmatlari tomonidan yollangani, buning uchun 100 ming dollar miqdorida pul mukofoti va Yevropa davlatlaridan biriga yashash uchun chiqishi kafolatlanganini aytgan.
Hozirda ushbu jinoyatni uyushtirishga aloqador boshqa shaxslar aniqlanmoqda. Mahalliy nashrlar ikkinchi gumonlanuvchi ham qo‘lga olinganini yozmoqda.
Maʼlumotlarga ko‘ra, generalni o‘ldirishda gumon qilinayotgan shaxsning ismi — Ahmad Qurbonov. U Balashixda yashagan va Moskva yaqinidagi Chernoye qishlog‘ida qo‘lga olingan.