Қашқадарёда ўқувчи ва ўқитувчи жанжаллашди
Ҳолатга Болалар омбудсмани муносабат билдирди.
Маълум бўлишича, жорий йилнинг 17 октябрь куни Қарши шаҳрида жойлашган 32-сонли ўрта таълим мактабининг алгебра фани ўқитувчиси M.M. ва 10-Б синф ўқувчиси Э.Ў. ўртасида ўзаро келишмовчилик келиб чиқиб, оғзаки тортишиб қолишган. Шундан сўнг ўқитувчи M.M. ўқувчи Э.Ў. ни юз соҳасига урган, ўқувчи қиз ҳам қўл кўтармоқчи бўлганида биргаликда йиқилиб тушишган.
Ҳозирда мазкур ҳолат юзасидан Қарши шаҳар ИИБ томонидан терговга қадар текширув олиб борилиб, M.M. ва Э.Ў. ларнинг хатти-ҳаракатларига чора кўриш учун мазкур иш материаллари МЖтКнинг 183-моддасига (Майда безорилик) асосан судга юборилган.
