Қайнонасининг гўштидан манти қилган келин ҳақиқат эмас — Олий суд
Ижтимоий тармоқ фойдаланувчиларидан реал воқеликка асосланмаган кўрсатувни нотўғри талқин қилмаслик сўралади.
"Ўткир тергов" дастуридаги "Қайнонасининг гўштидан манти қилган келин" номли кўрсатув – бадиий асар ва ҳақиқий воқеа эмас - Олий суд.
"Сўнгги пайтларда ижтимоий тармоқларда кенг муҳокама қилинаётган "Ўткир тергов" дастуридаги "Қайнонасининг гўштидан манти қилган келин" номли кўрсатув ҳақиқий воқеа эмас, балки бадиий тафаккур маҳсули ҳисобланади.
Расмий маълумотларга кўра, Ўзбекистон ҳудудида кўрсатувда тасвирланган воқеа содир этилмаган ва суд органлари томонидан бундай иш кўриб чиқилмаган.
Гарчи кўрсатувда "Ҳақиқий воқеалар асосида" деган эслатма мавжуд бўлса-да, дастур ишлаб чиқарувчилари анъанавий форматдан четлашган ҳолда бадиий асар яратганлар.
Ижтимоий тармок фойдаланувчиларидан эса ушбу кўрсатувни ҳақиқий воқеа сифатида талқин қилмаслик ва унга асосланиб нотўғри хулосалар чиқармаслик сўралади.
