Qo‘mita o‘z vakolatlari doirasida ommaviy axborot vositalarida (televideniye, radio, bosma nashrlar, internet va ijtimoiy tarmoqlarda) joylashtirilayotgan reklama axborotlarining reklama hamda isteʼmolchilarning huquqlarni himoya qilish to‘g‘risidagi qonun hujjatlari talablariga mosligi yuzasidan o‘rganish va tahlil ishlari olib borgan.
Monitoringlar davomida “Reklama to‘g‘risida”gi va “Isteʼmolchilarning huquqlarini himoya qilish to‘g‘risida”gi qonunlar talablari buzilishi alomatlari aniqlangan.
Natijada “HAYOT BANK” AJ , “YANGI BANK” AJ, “Aloqa Bank” AT, “ASIA ALLIANCE BANK” ATB, “O‘zsanoatqurilishbank” ATB (SQB), "BIZNESNI RIVOJLANTIRISH BANKI" ATB banklari va “SASH U mikromoliya tashkiloti” MCHJga nisbatan Ko‘mita Maxsus komissiyasi tomonidan ishlar qo‘zg‘atildi.
Qo‘zg‘atilgan ishlar belgilangan tartibda ko‘rib chiqilgandan so‘ng yakunlari yuzasidan qo‘shimcha axborot taqdim etiladi, deyiladi xabarda.